Multidisciplinary bibliography of the Portugal-Spain border

[Resumo extraído da fonte] 

Hai a palabras que puoden durar to l tiempo dua lhéngua, que nun s’agárran a cousas passageiras ou que son lhebes cumo las eideias a que le dan alas. Bénen de l percípio de l mundo de la lhéngua i acumpánhan-la siempre, remoçando-se a cada beç que se dízen porque l sou sonido entra por nós al para drento i mos pon toda la máquina de l antendimiento a marchar. Palabras tan lhanas cumo cabeça ou manos, tan bogales cumo risa, tan zaburriadoras cumo muorte. Nun passamos sin eilhas porque nun somos sin eilhas, que nien semitério ténen adonde, al menos ua beç por anho, le puodamos poner la frol dun sonido.

[Resumo extraído da fonte] 

Hai uns dous anhos, fúrun apersentados an Miranda trés lhibros, eiditados pul Instituto de Desenvolvimento Social (IDS): un de Valdemar Fernandes, subre quelóquios mirandeses; outro de Mário Correia, subre ls gueiteiros mirandeses; i un terceiro de Carlos Ferreira, cun cuntas de la tradiçon oural, an mirandés, mas amanhadas a la sue moda. Nesse mesmo die, a la nuite, telfonei a mius pais, cumo questumo fazer. A cierta altura de la cumbersa, preguntei-le a miu pai:
- Anton, por adonde andubo hoije?
- Hoije fumus a Miranda, al salimiento de l libro de Carlos.
- Al quei?, preguntei.
- Ai, pus al salimiento de l libro de tou armano!
- Ah, yá se me habie squecido, dixe-le you.
La cumbersa cuntinou, mas la palabra “salimiento”, que oubira pula purmeira beç cun aquel segneficado, quedou-me a martelhar na cabeça. La palabra que you haberie ousado naquel caso serie “lançamiento de l libro”, l que nun passarie dun amirandesamiento de la palabra pertuesa ‘lançamento’.

[Resumo extraído da fonte] 

Hai dies, nua crónica publicada ne l jornal Público ousei la palabra sotángano cul sentido de deficuldade que se acha nua caminada, ne l caso la caminada de la lhéngua mirandesa. Cumo houbo muita pessona que me preguntou por essa palabra, resolbi dezir eiqui algue cousa subre eilha: l sou sentido, la sue possible ourige i stória. La palabra ye ousada na fala de to ls dies cul sentido de «poçaca», «baixo pouco fondo i pouco lhargo» que muita beç stá cheno de auga. Por eisemplo se se diç que un camino stá cheno de sotánganos, esso quier dezir que nun ye praino, mas que ye als altos i baixos, que stá cheno de poçacas, l que torna mais defícele andar nel, subretodo ls carros. Mas la palabra sotágano tanto se puode dezir dun camino cumo de outros sítios, por eisemplo de la borda dua ribeira. Naqueilha crónica you ousei la palabra cun un sentido figurado para segnificar ‘deficuldades que hai que bencir’.

[Resumo extraido da fonte]

[Resumen extraído de la fuente original]

La actividad alfarera en Pereruela de Sayago (Zamora), cuya descripción será objeto de este artículo, representa una de las más interesantes muestras de arcaísmo entre las varias que nos ofrece el Noroeste peninsular.  

ÍNDICE: Introducción | Generalidades | Primera parte. Del barrero a la rueda | Parte segunda. Las ruedas y clases de vasijas | Parte tercera. Decoración y vidriado | Parte cuarta. La cochura de los cacharros | Parte quinta. Del horno al cliente. El comercio alfarero