[Sinopsis reproducida de BILEGA]

O autor establece a evolución do sistema de sibilantes desde o galego medieval ao moderno e describe a organización que presentan nas falas do Val Miñor (PO), onde detecta un sistema xeral de sibilantes e tres subsistemas que coexisten e se interfiren segundo as idades. O sistema xeral do Val Miñor presenta, en posición prenuclear, dous fonemas (o fricativo palatal xordo, que pode sufrir despalatalización, e o fricativo alveolar sonoro), en posición prenuclear intervocálica, un fonema fricativo alveolar sonoro (que pode enxordecer, chegando a rexistrarse ceceo), e, en posición posnuclear, un fonema apicoalveolar sonoro (que pode presentar realizacións palatalizadas, aspiradas ou con rotacismo). Os subsistemas detectados responden á combinación das posibilidades ofrecidas polo sistema xeral.