[Sinopsis reproducida de BILEGA]

Proposta de planificación lingüística que presenta a Ponencia de Lingua do Consello da Cultura Galega ao Ministerio de Educación e Ciencia referente á implantación do galego no ensino nas zonas galegofalantes de Asturias, León e Zamora, tendo en conta a situación social desvantaxosa que presenta nestas comunidades. Foi aprobada por unanimidade no pleno do Consello da Cultura Galega celebrado en Santiago o día 5 de outubro de 1990. Abrangue os ámbitos da Educación Infantil, a Educación Primaria e a Educación Secundaria e propugna a creación de tres comisións de normalización que velen polo cumprimento das medidas propostas: inclusión do galego como materia de ensino nun programa experimental de tres anos, incorporación das materias de Lingua e Literatura Galegas como obrigatorias aos plans de reforma do ensino etc.