Bibliografía multidisciplinar de la frontera hispano-portuguesa

[Resumo extraído da fonte] 

“Las ourtuonhas i ls meicarneiros deixaba-los d’aparte nua oubelhada, pus nun éran capazes d’acumpanhar l ganado”, dezie Galan, pastor de to la bida i, de l que se conhece de la família, zde l percípio de l mundo. Ls mirandeses siempre fúrun un pobo de pastores, anque nun fúran solo esso. Cumo pastores, tenien la sue cultura, la sue música, las sues palabras, un saber lhiado al ganado, a la solidon pul campo, als modos de rejistir al friu nas nuites d’ambierno i muita, muita, muita outra cousa. D’algues dessas cousas screbirei noutra altura. Hoije quiero falar doutras magies de las palabras i scolhi las oubeilhas ourtuonhas.Ua ourtuonha ye ua oubeilha que pariu yá mui tarde i, por esso, quaije que siempre perdie l filho, por tener amobido ou por outra rezon, nun stando an cundiçones de acumpanhar l ganado nua altura an que ls cordeiricos yá íban criados i podien andar bien. Por esso, tamien se diç que ye ua oubeilha que perdiu l filho, anque nun tenga parido tarde. Nun podendo acumpanhar l ganado, l’ourtuonha quedaba ancerrada nua oubelhada, palabra esta que nun quier dezir l mesmo que ‘ganado’, mas algo que nun chega a ser un berdadeiro ganado.

[Resumo extraído da fonte] 

An to las lhénguas hai palabras que solo s’anténden quando coincemos bien ls modos de la lhéngua i que, por esso, solo nua cierta lhéngua se poderan formar. Ye l caso de la palabra eidimiento. Oubi-la hai uns trés ou quatro anhos i deixo eiqui la situaçon an que l’oubi.

ÍNDICE: De la çcubierta al baptizo || L dialeto çquecido i angraçado || L Projecto de Lei nº 534/VII ou la cata de l "dialeto" || L testo de la Lei 7/99 || L regulamento de l Menistério de l'Eiducaçon || Ua lhéngua reconhecida mas nó oufecial || Publicaçones || Toponímia || Meios de comunicaçon | L mirandés n'anternet || La Lei i l camino

ÍNDICE: 1. Território || 2. Dados Stóricos | 2.1. Domínio Lhenguístico Asturo-Lheonés | 2.2. Domínio Lhenguístico Mirandés || 3. L lhugar de l mirandés ne l diassistema asturo-lheonés | 3.1. L mirandés: lhéngua u dialecto? | 3.2. La relaçon de l mirandés cun ls falares asturo-lheoneses | 3.3. Mirandés i sturiano ó pertués i spanhol: l léxico moderno | 3.4. Padrones || 4. Oufecializaçon || 5. Cumbençon Ourtográfica || 6. Ansino || 7. Lhibros || 8. Anstituto de la Lhéngua Mirandesa || 9. Amprensa i Meios de Comunicaçon || 10. Placas Toponímicas || 11. Música || 12. Lhonas || 13. Referéncias

[Resumo extraído da fonte] 

Hai a palabras que puoden durar to l tiempo dua lhéngua, que nun s’agárran a cousas passageiras ou que son lhebes cumo las eideias a que le dan alas. Bénen de l percípio de l mundo de la lhéngua i acumpánhan-la siempre, remoçando-se a cada beç que se dízen porque l sou sonido entra por nós al para drento i mos pon toda la máquina de l antendimiento a marchar. Palabras tan lhanas cumo cabeça ou manos, tan bogales cumo risa, tan zaburriadoras cumo muorte. Nun passamos sin eilhas porque nun somos sin eilhas, que nien semitério ténen adonde, al menos ua beç por anho, le puodamos poner la frol dun sonido.

[Resumo extraído da fonte] 

Hai uns dous anhos, fúrun apersentados an Miranda trés lhibros, eiditados pul Instituto de Desenvolvimento Social (IDS): un de Valdemar Fernandes, subre quelóquios mirandeses; outro de Mário Correia, subre ls gueiteiros mirandeses; i un terceiro de Carlos Ferreira, cun cuntas de la tradiçon oural, an mirandés, mas amanhadas a la sue moda. Nesse mesmo die, a la nuite, telfonei a mius pais, cumo questumo fazer. A cierta altura de la cumbersa, preguntei-le a miu pai:
- Anton, por adonde andubo hoije?
- Hoije fumus a Miranda, al salimiento de l libro de Carlos.
- Al quei?, preguntei.
- Ai, pus al salimiento de l libro de tou armano!
- Ah, yá se me habie squecido, dixe-le you.
La cumbersa cuntinou, mas la palabra “salimiento”, que oubira pula purmeira beç cun aquel segneficado, quedou-me a martelhar na cabeça. La palabra que you haberie ousado naquel caso serie “lançamiento de l libro”, l que nun passarie dun amirandesamiento de la palabra pertuesa ‘lançamento’.