[Resumo extraído da fonte] 

Puode parecer stranho falar an palabras eicológicas, pus stamos aquestumados a ligar l’eicologie a outras cousas que nó palabras. Mas l’eicologie ye algo que solo faç sentido se tubir a ber culas pessonas, anque muita giente cuide que l’eicologie solo ten a ber cun yerbicas, paxaricos, i cousas que stan a zaparecer. Tamien las palabras fázen parte de l nuosso mundo, son ua criaçon houmana i, por esso, toda ua lhéngua faç parte de l’eicologie, quier dezir, de las cundiçones que necitamos mantener para que puodamos bibir cun harmonie neste nuosso mundo. Mas nun ye nesse sentido tan ancho que eiqui quiero falar de palabras eicológicas, mas de palabras que ancérran ne l sou sentido ua prática i ua tradiçon eicológicas por parte de l pobo que las criou i las usa. Bou hoije a falar dua dessas palabras, la palabra arrepiçar.